انت كطالب اولي زراعه شعبه علوم دي اهم سنه دراسيه ليك فالكليه لانها بعد كدا بتحددلك القسم الي هتتخصص فيه فسنه فتانيه وطبعا ده بيبقي ع حسب تقديرك العام وتقدير المواد بتاعت كل قسم وده هنفهمهولك اكتر ف الاخر ف الاول بس كده عايزين نعرفك ع المواد بتاعت السنه كلها
طول السنه هتبدا تدرس 14 ماده مقسمين علي ترمين منها مواد التخصص
بتبدأ الترم الاول بتدرس 7 مواد :
1-علم نبات:ديه ماده هتبان انها رخمه شويه بس ف الاخر هتجيب فيها تقدير متقلقش 😂❤️
2-علم حيوان:ديه اهم حاجه تركز ف العملي بتاعها عشان بيبقي فيه تشريح وحاجات من ديه
3-اغذيه (ماده تخصص):ديه بقي ماده التخصص بتاعت قسم علوم اغذيه لو انت حابب القسم حاول ع قد ما تقدر تجيب فيها تقدير يريحك
4-رياضه: اتفه من التفاهه❤️
5-طبيعه: العملي بتاعها لذيذ والنظري زي الفيزيا الحديثه بتاعت ثانويه
6-كيمياء: اي حد ليه ف الكيمييا وبيحبها هيجيب فيها امتياز مستريح
7-قضايا انسانيه (غير مضافه)
نصيحه : حاول بقدر الامكان تجيب تقدير عالي ف الترم الاول عشان مواده بالنسبه للترم التاني اسهل نسبيا...
والترم التاني بيكون فيه اغلب مواد التخصص..
وبتدرس فيه :
1-مقدمه فالتكنولوجيا الحيويه (بيو تكنولوجي) : اي حد ليه ف الكيميا برضو هيحبها
2-انتاج حيواني: كويسه بس فيها اسامي كتير تلغبط ف حاول تعمل لنفسك ترتيب ليهم كده
3-انتاج نباتي:سهله اوي وهتعليلك التقدير العام
4-وقايه وامراض نبات: ركز ع الاسماء اللاتينيه عشان بتبقي نص الامتحان للاسف
5-ارضي ومياه: ذاكرها اول باول
6-اقتصاد زراعي: لذيذه مش وحشه قانون وتعويض ع طول
7-مهارات الحاسب الآلي: هتوهمك انها صعبه بس امتحانها لذيذ
كده خلصنا المواد ونبذه صغيره عنها دلوقتي بقي هنقولك كل قسم ايه المواد بتاعته او بمعني اصح ايه الشروط انك تخشه بس حابين نفكرك بحاجه ان مش بيعتمد ع المواد بس كمان بيعتمد ع تقديرك العام..
واعلي تلت اقسام ف الكليه من حيث التقدير هما علوم اغذيه، تكنولوجيا حيوية(بايو تكنولجي)، وقايه...
شروط التشعيب (المقررات المؤهلة) :
1- مقرر علم النبات (ن ب ت 101)
2-مقرر أساسيات إنتـــاج نباتي (نباتي 102) .
1-مقررات طبيعة وأرصاد جوية (ا رض 101)
2-علم النبات (ن ب ت 101) 3-أساسيات الأراضي والمياه (أراضي 102).
1-مقرر نظرية اقتصادية واقتصاد زراعي واجتماع الريفي (اقتصادية 102).
1-مقرر كيمياء عامة (ك ي م 101).
2-مقررأساسيات إنتاج حيواني (حيواني 101)
1-مقررأساسيات وقاية وأمراض النبات (وقاية 102).
2-مقرر علم النبات (ن ب ت 101) .
3- مقرر علم الحيوان ( و ق ي 101 ) .
4-مقرر كيمياء عامة (ك ي م 101 ).
علوم الأغذية :»
1- مقرر اساسيات الصناعات الغذائية والألبان ( أ غ ذ 101)
2 - مقرر كيمياء عامة (ك ي م 101 ).
1-مقرر مقدمة في التكنولوجيا الحيوية (تكنولوجيا 102).
2-مقرر الكيمياء العامة ( ك ي م 101)
3- علم النبات ( ن ب ت 101).
وبكده نبقي اديناك فكره عامه عن الكليه باقسامها وشروط الاقسام ويعتبر كل اللي هتحتاج تعرفه ف سنه اولي ❤️
