• قسم إدارة الجودة (Quality management) :
القسم دا بتدرس فيه كل ما يتعلق بالأغذية سواء تصنيعها او تحليلها و تركبها و الماكينات و المعدات المستخدمه ف الصناعه و كيفية الاشراف عليها و كل ما يخص الأغذية من اول المواد الخام لحد وصلها للمستهلك و بتتعلم كل حاجه عن الجوده و الانتاج.
كل العالم بيتجه نحو قطاع الجودة و بيسعي في تطويره لانه مجال لا يمكن الاستغناء عنه لا هو ولا التغذية.
دورك تهتم ب سلامه الغذاء من اي ضرر علي صحتنا (إذا كان مميت أو اعياء بسيط) و لازم تهتم ب وصفات الغذاء نفسه ( زي طعم و رائحة و مظهر و قيمه غذائية و حمولة مكروبية).
• بأختصار هتلاقي دراستك بتدور حول ( كيمياء الأغذية – ميكروبيولوجيا الاغذية – هندسه تصنيع الاغذية – تكنولوجيا حفظ و تصنيع الغذاء نظم إداره الجودة ) و المواد لذيذه و هتحب دراستها.
الكليه هتوفرلك تدريبات و تدعمك ب فرص جوا و برا الكليه و في مصانع و شركات الاغذية و الهيئات الحكومية.
• شروط القبول
• تكون علمي علوم
• درجه الانجلش متقلش عن ٣٥ تقريبا و دا الكليه بتحدده
• مجموع اعتباري لازم يكون 315 (ودا بيكون مجموعك في الثانوية + درجة الانجليزي)
• ايه الفرق بين قسم علوم اغذية و برنامج ادارة الجودة؟
انك في إدارة الجودة هتتخصص من سنه اولي و مش هتستني الاربع سنين و الدارسه كمان هتكون بالانجليزي و ده هيحسن اللغة و هيوفر عليك كتير.
• مجالات الشغل:
• في مصانع الأغذية
( مهندس جوده - مهندس انتاج – مهندس معمل – مهندس بحث و تطوير R&D )
و دي بتمثل اغلب شغل المجال
• معامل تحاليل الاغذيه الخاصه
• الوزارات و و الهيئات الحكوميه المعينه بمراقبة الغذاء (الزراعه – الصحه – التموين – الصناعة – الجمارك )
• الهيئات التابعة للامم المتحدة زي برنامج الاغذية العالمي و الفاو و غيره
• مطارات و فنادق و مطاعم
• احنا بتشتغل في تخصصات كتير لان دراستنا اساسيات الجوده (رقابة و ادارة) مع التخصص الغذائي.
• تقدر تعمل شيفت كارير لحاجات تانيه أو يبقي عندك مجال تاني (second career) زي مثلا تحضر ماجستير في الكيمياء الحيوية و تبقي اخصائي تحاليل طبية بعد ما تخلص دراستك في الكلية أو مع دراستنا للأغذية ممكن تبقي اخصائي تغذية علاجية عن طريق دبلومة و غيرهم كتير تقدر تعمله بعد التخرج و المرتبات أرقامها مرضية جدا في اي مجال منهم.
