نبذه عن قسم الهندسه الزراعيه و الحيويه
هنعرف انهارده يعني ايه هندسه زراعيه
وهنعرف ليه القسم ده مميز
و ايه الدنيا في مجالات الشغل
ليه اسمك هيكون مهندس زراعي عشان انت بتستخدم تطبيقات الهندسه في تسهيل عمليه الزراعه
بندرس 40% هندسه 60% زراعه
القسم مميز عشان هو بكل بساطه و شياكه هو اجمد قسم في الكليه لأسباب كتير هنعرف جزء منها لما نتكلم شويه عن الشغل
ننتقل للفقتره التانيه فقره "تقدر تشتغل" هنقسم الفقره لشغل محتاج كورس وشغل مش محتاج
انت تقدر تشتغل مهندس مساحه
مهندس لاند سكيب
مهندس في مكتب استشارات هندسيه
انت تقدر تشتغل مهندس كيمياء بس محتاج كورس
مهندس جوده بس محتاج كورس
مهندس زراعي
مهندس ري
مهندس انتاج
استشاري زراعي محتاج ٢٥ سنه خبره بس كدا كدا يوم الكليه بسنه فا سهله
تقدر تشتغل في الدواجن
تقدر تشتغل في الطاقه الشمسية و الطاقه المتجدده محتاجه كورسات وتقدير و تكون مولود ب ٢٠ سنه خبره
احنا كدا خلصنا تقدر تشتغل
بس فكرك ليه كليه زراعه عين شمس مميزه
نتكلم ليه القسم بتاعنا مميز اصلا
مش عشان احنا فيه في سبب تاني
ان احنا بندرس شعبه عامه معندناش تخصص فا الشومليه افضل بكتير
احنا هنا خلصنا الحاجات اللطليفه من هندسه زراعيه الطيبه
نخش علي شريره بس يا بشمهندس سنه أوله عندنا من أسهل السنين شويه نصايح معاك في الترم الاول عشان تعدي بأحسن تقدير
فقره تذاكر ازاي هنمسك ماده ماده نتكلم عنها و كل واحد فينا يروح لحالو اشطا
احنا كل سنه بناخد ٧ مواد ترم اول و٧ مواد ترم تاني
زي ما قولتك ٦٠% زراعه بناخد من كل قسم كام ماده كدا ٤٠%هندسه
هنلعب لعبه في الجيب و لعبه تتذاكر اول بأول و لذيذه الماده اللذيذه
اول ماده الرسم هندسي ابسط ياعم هتمشي بالمترو بمسطره حرف T دي في الجيب
رياضه دي عباره عن رياضه بحته في الجيب
علم نبات تتذاكر
كيمياء لذيذه
طبيعه تحليله و ارصاد جويه لذيذه متتخضش من الاسم
أساسيات هندسه زراعيه لذيذه
ده بالنسبه للترم الاول الترم التاني
ترم لطيف هادي جميل ومعنا اول ماده
ورش في الجيب
مساحه تتذاكر
انتاج نباتي لذيذه محتاجه شويه فهم وحفظ
انتاج حيواني و داجني ماده عسل و معيدين عسل ولذيذه
وقايه تتذاكر
أساسيات الأراضي والمياه لذيذه وفي الجيب و تتذاكر ماده عجيبه فيها كيمياء و فيزياء وأحياء ذاكرها من الترم الأول
وبكدا نكون خلصنا و التوفيق في السنه الجديده يا بشمهندس و يا بشمهندسه
ورحله سعيده معانا