قسم إقتصاد ده يعتبر من الأقسام الرائدة في مجال الإقتصاد والزراعي ومجال التجاره بوجه عام لأن القسم ده بيخدم جميع الاقسام الموجوده في الكلية.
القسم ده أنت بتدرس فيه مواد من كل الأقسام غير مواد القسم الاقتصادية بحيث إن القسم منقسم لقسمين وهما الإقتصاد الزراعي الإرشاد الزراعي، ولكل قسم فيهم ليه مواده ومميزاته وفرص عمله المتميزة، قسم الإقتصاد الرزاعي هو قسم بتدرس فيه إقتصاد وإحصائيات الدولة الزراعية وتقسيماتها وقائم على التسويق ودى من أهم الحاجات المعتمد عليها السوق المحلى والعالمى هو حسن التسويق وده يتيح ليك فرص شغل كتير جدا خبير تسويق ومدير توزيع وغيرها من فرص العمل الكويسة والمطلوبة في الوقت الحالى، قسم الإرشاد الزراعي بقا حاجه في اللذيذ يعني قسم مواده كويسة وتتحب ومميزاته أنه بيعلمك بشكل عام تتعامل ازاى مع المزارعين وتكون مرشد زراعي لحل اى مشكله تخص الزراعه والتحليل وكل الكلام ده، ومن أهم مميزات القسم برضو أن معاك دكاترة كويسين جدا وبيسعوا دائماً في تبسيط المعلومات وتسهيلها وده بيحسسك أنك تقدر تجيب تقدير بكل سهولة وده مش معناه قلة مذاكره بالعكس أى حاجه مع التعب والاجتهاد بتلاقي نتيجه أنت تحبها وده أهم ما في الموضوع أن الدكتور بيبقى على تواصل معاك وده هيخليك تحب القسم وتحب المادة وتجيب فيها تقدير ويساعدك فى النهاية فى الحصول على فرصة لشغل كويس.
وفي الأخر مننساش ان أي حاجه بالجهد والاجتهاد بتخلينا نوصل لحاجه كويسة وأن ربنا بيكافئ كل واحد على قد تعبه.